Американски тим за санкции дојде во Скопје за поагресивно да истражува корупција кај функционери

Американски тим пристигна во Скопје за поагресивно да истражува корупција кај поранешни, но и кај актуелни функционери. Вест за пристигнувањето на Твитер ја објави амбасадорката на САД во земјава, Анџела Агелер.

„Тимот за санкции од Вашингтон е тука за поагресивен поглед на минатите и сегашните корумпирани актери и да ги разгледа сите можни одговори. На правосудниот сектор во Северна Македонија му требаат повеќе истраги и гонење за да се покаже дека никој не е над законот“,објави Агелер.

Амбасадорката уште во пресрет на нејзиното доаѓање јасно порача дека нејзин фокус во земјава ќе биде борбата против корупцијата, а дека корупцијата ја кочи Северна Македонија таа јасно порача и во нејзините јавни настапи во земјава.

И заменик-помошникот државен секретар на САД за Западен Балкан Габриел Ескобар минатата недела најави дека САД ќе продолжат со воведувањето санкции за корумпирани политичари бидејќи досегашните вродиле со плод.

Total
1
Shares
Поврзани објави
Повеќе

Судска медицина: Причината за реобдукција покажува дека ОЈО и колегите кој го прегледале телото немаат елементарни познавања од судска медицина, познавања кој треба да ги има секој обвинител

По пронаоѓање на телото на ден 07.06.2022 година околу 19.00 часот бил извршен увид на местото на настанот…
Повеќе

Протест на ЈСП пред Влада

Раководството на ЈСП денеска со неколку автобуси ја блокира улицата пред Владата, поради неисплата на долгот од околу…