Зеленски: За малку е избегната нуклеарна катастрофа

Украинскиот претседател Володимир Зеленски изјави дека светот за влакно избегнал катастрофа со радијација, бидејќи струјата на украинската нуклеарна централа Запорожје била прекината со часови поради руското гранатирање во областа, што пак Москва го негираше.

Русија ја доведе Украина и остатокот од Европа на работ на нуклеарна катастрофа“, предупреди Зеленски. Фабриката можеше да продолжи безбедно да работи само поради резервната моќност, рече тој, според Би-Би-Си.

Да не беа вклучени дизел генераторите, ако автоматиката и персоналот на нашата централа не реагираа по прекинот на струјата, ќе бевме принудени да се справиме со последиците од истекувањето на радијацијата“, додаде тој.

Но, според локалните власти, другите нивоа на радијација се нормални.

Електраната извесно време беше исклучена од мрежата бидејќи од пожарите претходно беа оштетени далеководите кои ја поврзуваат електраната со мрежата. Така, најголемата нуклеарна централа во Европа беше исклучена од националната мрежа за прв пат во својата историја.

Зеленски го обвини руското гранатирање за оштетувањето на далноводите, додека локалниот гувернер Евгениј Балицки назначениот од Москва ја обвини за нападите украинската војска, за која се вели дека е одговорна за прекините на електричната енергија во областа.

Нуклеарната централа во Запорожје произведува 20 отсто од електричната енергија во Украина, па нејзиното исклучување од мрежата би претставувало сериозен предизвик за земјата. Електраната беше заземена од руските сили на почетокот на март, но сè уште е управувана од украински персонал.

Total
8
Shares
Поврзани објави