Откажана контроверзната посета на косовскиот заменик министер во затворот Идризово за посета на осудените терористи од Диво Насеље

Посетата на косовскиот заменик министер за правда Блерим Салаху е откажана, потврдија за Телма од Министерството за правда во Скопје.

Салаху требаше да го посети затворот Идризово за да се информира за состојбата со осудените за тероризам извршен во мај 2015- та во кумановско Диво Насеље.

Косовскиот функционер на телевизија во Приштина се “пофали” дека ќе се сретне и со доживотно осудените косовски државјани, учесници во кумановските настани пред 6 и пол години. Целта на посетата била да се информира за условите во кои ја издржуваат казната и дали се почитуваат нивните права.

Но, неговиот домаќин заменик министерот за правда Агим Нухиу тврдеше дека таква дозвола за посета на најопасните затвореници не е ниту барана ниту дозволена. Процедурата за ваква посета оди преку МНР и Министерството за правда.

Откако се пронесе ставот на македонските власти, Салаху се јавил на Нухиу доцна синоќа и го известил дека ја откажува посетата.

Диво Насеље е еден од 4-те случаи за кои Заев и Гаши договорија меѓународен мониторинг на пресудите и судските постапки што беше остро критикувано од експерти, универзитетски професори, адвокати, а реакција за оваа политичка интервенција имаше и од еснафските здруженија на судии и обвинители.

telma.mk

Total
1
Shares
Поврзани објави