Најверојатно ќе донесеме одлука за замрзнување на цените на основните прехранбени производи, најавува министерот за економија Крешник Бектеши.
Подготвен е предлог што утре или во вторник ќе биде доставен на разгледување до Владата. Оваа најава не доаѓа директно од Владата туку ја најави министерот за економија во изјави за медиуми.
-Секторот за трговија при Министерството за економија веќе ги направи пресметките во делот на зголемување на цените, за основните продизводи. Предлогот е веќе подготвен и во сабота или во вторник ќе биде испратен на разгледување во Владата и најверојатно и ќе се донесе одлука за замрзнување на продажните цени на основните прехранбени производи, лебот, млекото, брашното, шеќерот, зејтинот, а можеби и месото, рече Крешник Бектеши.
Ваква одлука на 30 ноември веќе донесе Србија и ќе важи 60 дена.
