Големи промени во системот на гласање за наредното издание што ќе се одржи во Ливерпул најавуваат организаторите на следната Евровизија.
Исклучиво гласовите на гледачите ќе одлучуваат кои земји ќе поминат од полуфиналето на финалната вечер. Досегашната пракса која трае од 2009 година беше микс од гласовите на жирито и на публиката, Во финалето, сепак, ќе одлучуваат и гласовите на публиката и поените на жирито.
За потсетување, од двете полуфинални вечери во полуфиналето одат по 10 учесници, а за прв пат во он-лајн гласањето ќе можат да учествуваат и жителите од земјите кои не дел од овој музички настан. Нивните гласови ќе се додаваат на другите и ќе имаат голема улога во одлучувањето на победникот.
Сите гледачи од земјите улеснички ќе можат да гласаат преку СМС, телефон или преку официјалната апликација, а оние кои гледаат Евровизија од другите земји, ќе може да го сторат тоа преку безбедна он-лајн платформа.
Следната Евровизија ќе се одржи од 9 до 13 мај 2023 година во Ливерпул, а за 20 места во финалето ќе се натпреваруваат 31 земја. Тие ќе им се придружат на Франција, Германија, Италија, Шпанија, домаќинот В.Британија и на Украина, кои се победници од годинашното натпреварување.
Македонија го откажа настапот и следната година ќе нема свој претставник на изборот за песна на Евровизија.
