На социјалната мрежа Твитер се појави видео снимка од последните моменти во авионот што се урна во Непал, направена со мобилен телефон од патник во авионот.
Во падот на патничкиот авион со 72 лица во Непал, потврдена е смртта на 68 лица, а четворица се водат како исчезнати, соопштија властите, завршувајќи ја потрагата по исчезнатите.
Авион ATR72 на Јети ерлајнс падна во провалија при слетување на линијата од Катманду до Покара.
Еден од патниците ги снимил последните моменти пред несреќата, а ова видео се прошири на социјалните мрежи. Не е објаснето како е дојдено до снимката, дали од пронајден телефон, или пак патникот се вклучил во живо на некоја од социјалните мрежи додека авионот паѓал.
