Дирекцијата за заштита и спасување денеска објави дека успешно спасила планинари на Шар Планина во близина на границата меѓу Македонија и Косово.
Двајцата планинари пријавиле дека се повредени, а се наоѓале над селото Вешала, на патека што води кон врвот Кобилица.
Реагирала тетовска подрачна единица на Екипата за брз одговор за спасување од планина при Дирекцијата за заштита и спасување.
Еден од планинарите бил повреден и нему му е извршено брза санација на коленото.
Екипите на Дирекцијата за заштита и спасување заедно со планинарите се упатиле кон Вешала.
