Украинскиот премиер Денис Шмихал најави дека на 3 февруари во Киев ќе се одржи самит со Европската унија, кој ќе испрати „моќен сигнал“ до Москва и светот. Шмихал на состанокот на владата рече дека настанот ќе биде „исклучително важен“ за обидот на Киев да се приклучи на европскиот блок.
„Фактот дека овој самит ќе се одржи во Киев е моќен сигнал и за партнерите и за непријателите. Не беа дадени детали за тоа кој ќе присуствува на страната на Европската унија.
Во јуни минатата година Украина доби статус на кандидат за членство во ЕУ.
Земјите од Европската унија цврсто ја поддржуваат Украина по инвазијата на Москва. ЕУ спроведува серија економски санкции против Русија, а во исто време испраќа оружје и помош за Киев.
