Нашата пејачка Каролина Гочева неодамна на социјалните мрежи објави фотографија на која позира во празничен амбиент наздравувајќи за остварените соништа и нови надежи.
Нејзина фотографија завршила во рацете на измамници кои ја искористиле истата и тоа без дозвола на пејачката, за маркетинг цели.
Засега не е познато кој ја искористил личната фотографија на пејачката која се најде на лажен фејсбук-профил, со цел да заработи пари преку „наградна игра“.
„Лажен профил и лажна наградна игра!“, напиша Каролина во описот на фотографијата што ја сподели на инстаграм-стори, обелоденувајќи дека е жртва на сајбер злоупотреба.