Поранешниот фудбалер на Челзи и Њукасл, 31-годишниот Кристијан Атсу е пронајден мртов во урнатините по земјотресот што на 6 февруари ја погоди Турција.
Информацијата ја соопшти неговиот агент преку „Твитер“.
„Со тешко срце морам да објавам дека телото на Кристијан Атсу е пронајдено утрово. Моето најдлабоко сочувство изразувам до семејството и најблиските. Сакам да им се заблагодарам на сите што се молеа за него и испратија пораки за поддршка“, напиша тој.
