Вицепремиерот за економски прашања, Фатмит Битиќи тврди дека не доцнат мерките од четвртиот пакет мерки за владина помош за стопанството, туку само е потребно малку повеќе време за да се креираат мерки во чие донесување ќе бидат вградени идеите и потребите на сите чинители.
Битиќи вели дека сега течат разговори со синдикатите, коморите и со обичните граѓани за на крајот да се создадат мерки кои рационално ќе се искористат.
Владата работи и на ребалансот на буџетот и фокусот е ставен на избегнување на праксата да се предвидуваат средства во буџетот и постројано да недостигаат за на крајот на годината да останат неискористени заради нереализираните проекти.
Досегашните мерки од првите три столба владините представници ги оценија како Мерки кои беа навремени и сеопфатни за на стопанството и на граѓаните да им понудат поддршка за справување од кризата.
За досегашната поддршка на стопанството и задржување на работните места, се резервирани околу 550 милиони евра или 5 отсто од домашниот бруто-производ.