Џафери: Не може некој да биде пратеник 4 години, а потоа да брка по контејнери

Не може некој да биде пратеник 4 години, а потоа да брка по контејнери, рече претседателот на Собранието, Талат Џафери во дускусија со новинарите, а во врска со иницијативата за закон за пратенички привилегии.

Џафери за време на брифингот со претставниците на медиумите, не негираше дека постои иницијативата, но посочи дека не може да коментира додека не го види текстот на законот.

„Идеја како идеја може да постои, може да ја даде било кој пратеник, но кај мене нема пристигнато текст или драфт верзија на закон за пратеници. Можам да се произнесам откако ќе го видам“, рече Џафери.

Тој додаде дека во голем број земји во светот, со законско решение бил уреден стстусот на пратениците по истекот на мандатот.

„И во тие држави има невработени, социјалци, бездомници, не само кај нас. Но сите проблеми се уредуваат со закон“, рече тој.

Џафери информираше и дека ќе свика седница на 9 јануари на која ќе се раправа по амандманите за уставни измени согласно договорот од Преспа. Очекува да се изгласаат и процесот да заврши до 15 јануари.

Претседателот на Собранието не сакаше да коментира зошто претседателот, Ѓорге Иванов не става потпис на законот за јазици. Рече дека тој треба да постапи согласно своите ингеренции.

Во врска со претстојните претседателски избори, Џафери истакна дека нема да се кандидира и ќе остане претседател во Собранието. Што се однесува до идејата, Собранието да бира шеф на државата, Џафери рече дека за тоа треба да се одлучни сите парламентарни групи, а доколку има консензус ќе треба да се изгласа измена на Уставот со која законски би се уредил неговиот избор.

Изминатата година, според него поминала според зацртаната агенда, а Собранието си ја завршило работата за која што е надлежно.

извор: Makfaks.com.mk

Total
0
Shares
Поврзани објави