Побегна, па се врати. Поранешниот директор на УБК, Сашо Мијалков, како во главната улога на народната приказна „Пишман Аџија“. За што ли се пишмани Мијалков останува енигма. На дел од граѓаните не им е верно дека поранешниот шеф на тајната полиција го немало бидејќи имал симптоми на корона и се изолирал, додека за него се бараше затворски притвор.
„Во принцип не им верувам повеќе на луѓето. А, за него немам коментар. Ниту ми е брат, ниту ми е братучед, ниту го познавам, ниту имам против нешто. Во политиката не се мешам, не ме интересира“…
„Мијалков во затвор не оди! И вчера ова беше само формално за јавноста еве да се рече. И пак нема да оди, тој ќе биде во домашен притвор, ама уште нема правосилна пресуда“…
– Верувате ли во тоа што го кажа вчера?
„Па, срамно е да се каже дека веруваме“…
„Измислено е нормално. Нормално, Не сме мали деца“…беа дел од коментарите на граѓаните.
На социјалните мрежи врие од коментари за бегството, па камбекот на Мијалков. Споделена е монтирана фотографија од наводен „Фејсбук“ статус на Мијалков во кој бара да биде поставен за министер за внатрешни работи.
На социјалните мрежи граѓаните се потсмеваа и со полициската акција „Каде е Сашо Мијалков?“
Се ширеа коментари за тоа каде бил Мијалков, како оздравел за само 24 часа..
„Вчера, нажалост, бев навистина болен. Со преку 40 температура“, рече Мијалков.
Извор: Алсат