Игор Југ на распит во ЈО, синот на Мијалков повикан во полиција

Игор Југ денеска повторно во обвинителството. Според нашите информации тој од затворот Шутка е спроведен на распит во обвинителството како дел од истрагата која деновиве интензивно се работи околу настаните на 27 април. Додега Игор Југ е во ЈО , Јордан , синот на Сашо Мијалков поранешниот прв човек на УБК, е на распит во полициска станица во Кисела Вода. Иако требаше да се појави пред неколку недели поради патување во странство распитот е закажан за денеска. Полицијата го идентификува како еден од учесниците во настаните во Собранието од снимките од медиумите.
Игор Југ веќе е во притвор оти како дел од група на 27-ми април стаса до собраниската прес- сала каде беше извршен напад врз пратениците на актуелната власт. Во парламентот влегол преку предната врата која ја отворија пратениците Крсто Мукоски и Сашо Василевски, додека голем дел од насилниците со фантомки влегоа од задниот влез во Собранието. Беше препознатлив по црна маица со симболот на про-усташката организација ХОС, а беше забележан како подолго време ја држи раката на грбот под маицата по што се истражува дали бил вооружен со огнено оружје.
(К.М.)

Total
0
Shares

USJE
Поврзани објави