Косовската полиција апси Срби осомничени за убиството на лидерот на косовските Срби

Специјални единици на косовската полиција изведоа утрово обемна акција во северниот дел од земјата, при што уапсија две лица од српска националност кои се сомничат дека се поврзани со убиството на политичарот Оливер Ивановиќ во јануари минатата година.

Извори од косовската полиција изјавија за медиумите дека еден од уапсените е Раде Басара, полициски истражител од северно Косово. Тој раководел со истрагата за убиството на Ивановиќ и се сомничи за прикривање докази.

Уште едно, засега неидентификувано лице, е уапсено поради поседување орижје и муниција, додека по трето лице и натаму се трага. Портпаролот на косовската полиција Баки Кељани изјави за медиумите дека станува збор за шефот на оперативата на пoлицијата во Северна Митровица, Жељко Бојиќ.

Во полициската акција, која почна утрово во 5 часот, учествуваа над 100 припадници на специјалните единици.

Оливер Ивановиќ, еден од лидерите на косовските Срби, беше убиен на 16 јануари 2018 година во северна Митровица, недалеку од неговиот дом, пред седиштето на неговата партија – Граѓанска иницијатива Србија, демократија, правда. 

Total
0
Shares
Поврзани објави
Повеќе

Од утре дожд и снег

Времето денеска ќе биде сончево со мала до умерена облачност поголема во северните делови од земјата. Кон крајот…