Сопственикот на ,,Еуростандард Банка“, Трифун Костовски, во текст за порталот Инбокс7, се осврнува на последните случувања и пропаста на неговата банка.
„Ме исцедија како лимон и ме фрлија на буниште. Ве уверувам дека ќе вложам се од себе правдата да ги стигне сите учесници“, истакнува Костовски и меѓудругото додава:
„Би сакал да споделам едно чувство – разумот во оваа земја одамна е погребан. Тоа не ја исклучува и Народната банка на Република Македонија, која би требало да е една од највисоките институции кои гарантираат економска стабилност. Наместо тоа, доминираат бирократското его и суетата. За Народна банка важи правилото homo homini lupus est, што по нашински или мое гледање би требало да значи, ме исцедија како лимон и ме фрлија на буниште“ – пишува Костовски.
Без наводи на зборот тајкуни, Костовски им порача ,,спокоен живот“ и гледање сеир.
,,Ниту еден од големите тајкуни во Република Македонија не подигнаа слушалка да прашаат како сум“ – пишува Костовски. Р.Д.
