Конфедерација на слободни синдикати на Македонија предупредува дека најавите на СДСМ за намалување за 20 посто на администрацијата се прави поради партиски интереси со цел да избрка едни, а да вработуваат нивни луѓе.
„ Наместо лидерот на СДСМ, Зоран Заев да најавува отпуштање на 20% или 30.000 работници од јавниот сектор, во интерес на државата и сите граѓани на нашата држава, бараме Владата да го спроведе законот за работни односи и да се погрижи за сите социјално загрозени семејства и работници или во спротивно ќе следи социјална криза“, стои во реакцијата на КСС.
Тие тврди дека во услови кога е намален обемот на работа во јавниот сектор поради економската и здравствената криза, вработените со договор на определено време и преку авторските агенции, им се продолжуваат договорите поради зголемување на обемот за работа.
„Повеќе од јасна е целта, да се избркаат едни, а да се вработат други работници поради лични и партиски интереси што е противзаконски чин и ние, КСС, како национален синдикат дејствуваме и се бориме да бидат заштитени правата на работникот“, стои во реакцијиата на КСС.
Според нив, треба да се вратат на работа отпуштените и да се укинат партиските вработувања, а заштедените средства да се користат за обештетување на оние кои реално го изгубиле работното место поради економската и здравствената криза. Р.Д.