Мијалков од “Шутка” си оди дома

Мијалков набрзо ќе излезе од истражниот затвор „Скопје“ и ќе оди во домашен притвор. Ова следува по денешната одлука на Апелацискиот суд, кој реши да ја прифати жалбата на Мијалков и да му ја укине мерката притвор.

-По повод жалбата и по службена должност заради правилна примена на Законот спрема  обвинетиот С. М. определи куќен притвор со траење до правосилноста на пресудата КОК.бр.62/17 од 08.03.2019 година, а најдолго 60 дена сметано од 08.03.2019 година, пишува во соопштението на Апелација.

Мијалков пред судиите во Апелација повтори дека веќе дал збор дека нема да бега и дека на тој збор и денес стои, додека пак обвинителката Фатиме Фетаи побара тој и понатаму да остане во притвор.

Мијалков беше однесен во притвор во Шутка откако со првостепена одлука за „Титаник 2“ беше осуден на три години затвор. На казна затвор беше осуден и Мендух Тачи, кој доби три години и два месеци, Бедредин Ибраими на четири години и шест месеци, а Влатко Сајковски, Сашо Срцев и Анета Стефановска добија по три години затвор.

Според обвинението од СЈО, Мијалков како директор на УБК и член на Извршниот комитет на ВМРО-ДПМНЕ го искористил своето влијание и преку Мендух Тачи договорил да се усвојат приговорите за прегласување на три избирачки места во Струмица на локалните избори 2013 година.

Total
0
Shares
Поврзани објави
Повеќе

Кацарска до Судски Сoвет: Jавно кажав дека фамилијата Камчеви се наши фамилијарни пријатели, но таа моја искреност не смее да се злоупотребува од кого било, а посебно не од јавен обвинител, згрозена сум

Бев згрозена од изјавата на обвинителката Лиле Стефанова, односно од нејзиното сведочење во случајот „Рекет“,  со оглед дека…
Повеќе

Судење Монструм: На средба кај претседателот со семејствата на убиените деца разбравме дека лидерот на СДСМ им кажал клевети за паднат телефон од полициски службеник -телефонот ми е дома !

Поранешниот советник за национална безбедност Синиша Алексовски, на денешното рочиште за „Монструм“, рече дека имал усна информација од полицискиот…