На сопствениците на ноќните клубови владата им нуди финансиска помош во висина од три месечни кирии откако беа воведени нови ограничувања на работното време.
Ваквиот предлог за Здружението на ноќните клубови е срамна и навредлива.
„После 8 месеци без ниту еден работен ден, без никаква надеж и најава за наше отварање, после сите образложени трошоци со кои се соочуваме секојдневно да ни се понуди финансиска помош од само 3 кирии е апсурдно“, велат сопствениците на клубовите.
Тие бараат помош во висина од 30 отсто од бруто приходот на секој лиценциран објект за месеците во кои немаат работено и за месеците што нема да ги работат во иднина за да можат да ги сервисираат настанатите долгови.
Според нив, ваквата помош е неопходна за да можат и во иднина да ги сервисираат обврските и да преживуваат.
„Нашиот праг на толеранција е веќе поминат и оваа понуда од страна на Владата на Република Македонија ќе биде проследена со масовни протести и тужба кон државата за настанатата штета и нарушеното Уставно право да работиш и да заработуваш“, предупредуваат тие.
Здружението го известува премиерот Зоран Заев дека долговите настанати од присилното затворање, е загрозена екзистенцијата на нивните семејства.
