Случајот „Мавровка“ е уште една потврда дека се потребни итни, темелни и добро осмислени промени во функционирањето на општинските инспекциски служби за тие да бидат ефикасни, независни и во функција на граѓаните, а не на моќниците, посочуваат од НВО Инфоцентарот.
Од оваа организација пред неколку месеци ја истражуваа состојбата со општинските инспекциски служби, а нивната анализа покажа дека општините во Северна Македонија немаат доволно капацитети за да организираат ефикасна инспакциска служба на локално ниво.
„Речиси нема општина во која се пополнети сите предвидени инспекторски позиции, па оттаму, во некои општини постои практика еден инспектор да врши инспекциски надзор во повеќе области. Законската регулатива по која работат и постапуваат општинските инспектори е нехармонизирана, а неретко и противречна. Општинските инспектори се назначуваат од градоначалниците и ним директно им одговараат. Ова положба на инспекторите го прави нивниот интегритет ранлив на политички и бизнис влијанија и го зголемува ризикот од корупција. Ризикот од корупција веќе е голем заради фактот што општините, во исто време, се и даватели на услуги и вршат инспекциски надзор над тие услуги. Затоа, инспекторите често се наоѓаат во „маѓепсаниот круг“ на таквите политички и бизнис влијанија, од една и законите, граѓаните и јавниот интерес, од друга страна“, велат од НВО Инфоцентар.
Нивното истражување покажало дека преку 40% од граѓаните мислат дека инспекторите за својата работа зависат од градоначалниците, а речиси во ист процент сметаат дека општинските инспектори не се професионални и ефикасни и дека наместо заштита на јавниот интерес тие ги штитат интересите на политичките и бизнис моќници.
Според НВО Инфоцентар потребен е нов модел за локалните инспекциски служби кој ќе им овозможи тие да бидат целосно независни, функционални и ефикасни во заштитата на интересите на граѓаните и на заедницата во целина.
„Постојат размислувања локалниот инспекциски надзор да се спроведува преку независна инспекциска служба надвор до ингеренциите на локалната власт, која ќе функционира на ниво на една општина, регионално или пак, национално. Исто така, има размислувања и за формирање независна национална агенција за инспекциски надзор во општините. Клучниот фактор од кој зависи поттикувањето и спроведувањето реформи е политичката волја на извршната и законодавната власт да создаде инспекциски надзор на локално ниво кој ќе биде независен, ефикасен и отпорен на корупција”, додават во Инфоцентар.
Поврзани објави
19-годишник осомничен дека силувал пет години помладо девојче кое живеело во неговото соседство
Основното јавно обвинителство (ОЈО) Тетово покрена истрага против 19-годишник осомничен за силување на 14-годишно девојче кое живеело во…
Д-р Жан Митрев бара од странските амбасади активно следење на процесот на ОЈО поради несериозниот и површен пристап
Д-р Жан Митрев и Клиничката болница Жан Митрев испратија писма до амбасадите на САД, Франција, Германија, Велика Британија,…
Кој е терорист со потекло од Тетово кој пукаше во Виена и застрела седумина меѓу нив момче од струшко
21-годишниот Н.В. со потекло од Велешта, струшко, вчеравечер е убиен во терористичкиот напад кој се случи во центарот…
ПРЕТСЕДАТЕЛОТ ПРОГЛАСИ ВОНРЕДНА СОСТОЈБА
Вонредната состојба ќе трае 30 дена. По овој период Владата ќе поднесе извештај по кој ќе знаеме дали…