Градоначалниците на скопските општини во понеделник ќе бидат викнати на состанок со Комисијата за заразни болести.
Првично состанокот требаше да се одржи денеска, но сепак е одложен за понеделник.
Информацијата за Досие.мк ја потврди и Министерот за здравство, Венко Филипче.
Според најавите се очекуваше на денешниот состанок да бидат повикани и градоначалниците, кои треба посилно да помогнат во справувањето со растечкиот број на заразени од коронавирусот во главниот град.
Директорката на здравствениот и санитарен инспекторат Ирена Сотирова-Бухова вчера изјави дека зголемениот број новозаразени е исклучиво од непочитување на препораките, но и поради недавањето податоци за контакти.
Во меѓувреме во Македонија регистрирани се 40 поголеми кластери на заразени, од кои половината се во Скопје.
