Во скопската Зоолошка градина пристигнаа новите жители од Русија.
Шест пингвини од Русија ќе бидат новата атракција – три момчиња и три девојчиња од видот хамболт ќе им се приклучат на Скипер, Прајвет и Ковалски.
Од Скопје ЗОО информираат дека имало доста напори за да се донесат новите жители поради пандемијата и сложениот транспорт, но после пристигнувањето на скопскиот аеродром, веднаш се препуштиле на уживање во внатрешниот базен, а по краткиот карантин, ќе го отворат и надворешното живеалиште.
