Поставените клупи од ЈП „Камена Река“ со поглед кон Калиманско Езеро, првата вечер по поставувањето се украдени. Истите се отстранети заедно со поставените бетонски постаменти.
Оваа урбана опрема беше поставена со цел, на ова попатно место за одмор да му дадеме еден сосема поинаков лик, а во наредниот париод во соработка со ЈП Државни патишта просторот да биде осветлен и доопремен со дополнителна урбана опрема и соодветна сигнализација, изјавија од ЈП Камена Река – Македонска Каменица.
Ние како претпријатие задолжено за одржување на урбаната опрема, чистотата и зеленилото во градот со вакви облици на вандализам се среќаваме постојано, но овој пат станува збор за потежок чин бидејќи клупите заедно со постаментите се отстранети од местото, односно најверојатно се украдени од непознати сторители. Сепак, ова нема да не поколеба, ќе продолжиме со уредување на јавните површини, како во градската средина од Општината, така и во периферните делови и влезовите во Македонска Каменица – дополнија од Јавното претпријатие во Македонска Каменица
