По мое барање и предлог, советот на Град Скопје ќе гласа ракометарите на шампионскиот Вардар да бидат донесени дома со посебен чартер лет, финансиран од Град Скопје!
Поаѓаат од Келн попладнево во 16.30. Слетуваат во Скопје во 18.50.
Да ги пречекаме достоинствено нашите европски шампиони. Без делби и поделби.
Спортот обединува.
Се гледаме вечерва на градскиот плоштад “Македонија”, објави Градоначалникот на Скопје Петре Шилегов.
Информацијата дека играчите на Вардар ќе дојдат порано со нов лет наместо на полноќ ја објавија утринава и Комитите. Се очекува голем пречек на Европските прваци во ракомет.
