СЈО: Сите документи од “Имерпија” се сочувани , поплава немаше само пуканата цевка

Сите документи од предметот „Империја“ се сочувани, потврди обвинителката од Специјалното јавно обвинителство, Лиле Стефанова, по информацијата објавена во некои медиуми дека дел од документите собирани како докази за три предмети, биле поплавени. Од СЈО велат дека не се работи за поплава, туку за прскање на една цевка од парно греење во сутеренски простори, а не во подрум.

Од СЈО посочуваат дека сите документи се скенирани и се чуваат и во електронска форма, а по целосниот увид на документацијата во однос на предметите „Триста“ и „Шпион“, доколку има потреба за некој од документите, тие ќе бидат обновени.

-Tочно е дека поради дотраеност на сѐвкупната инсталација за парно греење во објектот во кој е сместено Јавното обвинителство за гонење на кривични дела поврзани и кои произлегуваат од содржината на незаконското следење на комуникациите, протече една од цевките на тој систем, при што беше зафатена дел од документацијата на неколку предмети кои се водат од страна на ова Јавно обвинителство, меѓу кои на „Империја“, „Триста“ и „Шпион“. Притоа, треба да се има предвид дека во ова Јавно обвинителство документите се скенираат, но доколку се утврди дека има документи кои не биле ставени во електронска форма, ќе се бара нивно обновување. Во моментот се испитуваат причините за конкретниот дефект и се спроведува внатрешна процедура со цел да се изготви попис и проценка на вкупната штета. Инаку, од страна на Јавното обвинителство за гонење на кривични дела поврзани и кои произлегуваат од содржината на незаконското следење на комуникациите осигурени се како објектот, така и опремата, наведуваат од СЈО.

Total
0
Shares
Поврзани објави
Повеќе

Русковска за којашто се води дисциплинска постапка по кривична пријава на распит – истовремено бара нов мандат во обвинителството

Обвинителката Вилма Русковска за којашто се води дисциплинска постапка по кривична пријава на директорот на Управата за финансиска…