Следната недела поточно на 17 октомври скопскиот кривичен суд ќе ја соопшти пресудата за настаните од кумановското Диво Насеље од мај 2015 година. Во овој случај обвинети се 37 лица за тероризам и терористичка организација. Обвинителството побара доживотен затвор за сите обвинети. Нивните адвокати пак бараат ослободителни пресуди тврдејќи дека нема докази дека го сториле кривичното дело. На 9 и 10 мај пред две години загинаа осум полицајци од специјалните и посебните единици на МВР, додека четириесетина поминаа со тешки повреди. Од страна на вооружената група загинаа десет лица.
Во вторник пресуда за ,,Диво Насеље”
