Генералниот секретар на Алијансата на Албанците и градоначалник на Гостивар, Арбен Таравари, вели дека ДУИ поминува нервна криза неспремна да го прифати поразот на изборите.
На неговиот фејсбук профил Таравари напиша дека ДУИ ја завршува лажната политичка кариера преку освета на претставниците на албанската опозиција.
„Во рамките на овие криминални аманети, по градоначалникот на Боговиње, сега на ред е Гостивар. Претседателот на огранок на АА, Јетон Селими, е повикан на информативен разговор во полиција вршејќи му психолошки терор. Запрете ја ова луда банда затоа што толку го зголемил зулумот што ќе го снајде уште посрамен крај од она што се очекуваше“, пишува Таравари. Р.Д.
