Ужас во Канада: Под училиште пронајдени остатоци од 215 деца

Остатоци од 215 деца, од кои имало дури и на возраст од само три години, биле пронајдени закопани на местото на поранешното училиште за домородни деца во Канада, откритие кое премиерот Џастин Трудо го нарече шокантно потсетување на срамното поглавје во историјата на земјата.

Станува збор за ученици на индиското станбено училиште „Камлупс“ во Британска Колумбија, кое беше затворено во 1978 година, а нивните остатоци се пронајдени со помош на специјален радар.

„ Можевме да го потврдиме она што нашата заедница веќе го знаеше“, рекла лидерката на домородната заедница, Росана Казимир.

„ Во моментов, имаме повеќе прашања отколку одговори. Шестгодишна истрага за канадскиот станбен училишен систем, кој насилно ги одделуваше домородните деца од нивните семејства, откри во 2015 година дека системот, во меѓувреме, укинат, претставува „културен геноцид“ додала таа.

Во извештајот се документирани ужасно физичко насилство, неухранетост и други злосторства на кои биле изложени многу од 150.000 деца, кои го посетувале училиштето, кое главно го воделе христијанските цркви во име на државната влада, од 1840-тите до 90-тите години на минатиот век.

Извештајот открива дека повеќе од 4.100 деца умреле за време на нивниот престој во станбеното училиште. Се верува дека 215 деца чии остатоци биле пронајдени закопани под некогашното најголемо такво училиште во Канада не се дел од таа статистика и дека нивната смрт останала не евидентирана сè до ова откритие.

Трудо на Твитер напиша дека веста „му го крши срцето – во болно потсетување на тоа мрачно и срамно поглавје во историјата на нашата земја“.

Во 2008 година, канадската влада официјално се извини за системот. Домородната заедница соопшти дека очекува прелиминарни резултати од истрагата до средината на јуни.

макфакс.мк

Total
0
Shares

USJE
Поврзани објави