Владата денеска одлучи да ги отвори детски градинки од девети септември, а до тогаш градинките се должни да се подготват за работа.
Владата им препорачува на општините кои се основачи на јавните установите за згрижување и воспитание деца да обезбедат дополнителен простор или адаптираат соодветен простор за потребите на градинките доколку градинката има потреба за згрижување на деца согласно Протоколот за активности во установите за згрижување и воспитување на деца.
Освен тоа општините треба да обезбедат и потребен соодветен кадар за временски период до траењето на епидемијата со КОВИД-19, доколку градинката има потреба по итни и неодложни работи за непречено функционирање. Р.Д.
