Претседателот на Франција денес во интервју за француското радио France Inter повика на дополнителни санкции против Русија поради „масакарот“ во украинскиот град Буча и објавените видео снимни низ социјалните мрежи.
„Треба да се воведат повеќе санкции кон Русија бидејќи постојат јасни индикации дека руската војска е одговорна за убиствата на цивили во украинскиот град Буча“, изјави францускиот претседател Емануел Макрон.
„Постојат многу јасни индиции за воени злосторства. До одреден степен, руската војска е прогласена за одговорна за масакрот во Буча“, изјави Макрон за радиото France Inter.
„Поради она што се случи во Буча, потребна е нова рунда санкции и многу јасни мерки“, додаде тој во својата изјава.
„Новите санкции треба да бидат насочени кон јагленот и нафтата“, посочи Макрон, кој овој месец повторно се кандидира за претседател на неговата држава.
