Американскиот претседател Доналд Трамп изјави дека ја укинува безбедносната проверка и пристапот до доверливи разузнавачки информации за својот претходник Џо Бајден, наведувајќи дека на Бајден повеќе не му треба пристап до доверливи информации.
„Џо, отпуштен си“, напиша Трамп на својата платформа Трут соушл, повикувајќи се на слоганот на неговото поранешно реалити шоу „Апрентис“.
Трамп ја оправда оваа одлука велејќи дека Бајден му го направил истото во 2021 година, со што стана првиот претседател во историјата на САД кој на својот претходник му ги ускрати разузнавачките брифинзи.
„Бајден го направи тој преседан кога ѝ нареди на Разузнавачката заедница да го спречи пристапот до деталите за националната безбедност на 45-тиот претседател на Соединетите Држави (МЕНЕ!)“, напиша синоќа Трамп.
