Таткото на момчето (13) од ОУ „Владислав Рибникар“, кое е осомничено дека вчера околу 08:40 часот уби 8 ученици, чувар и рани 7 лица, потврдил дека имал дозвола за оружјето што го користел неговиот син за време на масовното пукање.
На сослушувањето тој кажал дека во сефот чувал пушки и пиштоли, дека се е шифрирано и дека не знае како неговиот син ја дознал шифрата.
„Тој призна дека го однел синот на стрелиште на 12 години и кажа на кое. Таткото рекол дека синот се чувствувал отфрлен, но дека ништо не забележувал кај него. Синот често му кажувал дека не се вклопува во општеството“.
Момчето било сослушано во присуство на неговата мајка, а како што изјави Никола Ускоковиќ од Вишото јавно обвинителство во Белград, им е предаден на работниците во Центарот за социјална работа. Како што изјави вчера началникот на белградската полиција Веселин Милиќ, момчето во интервју во присуство на Центарот за социјална работа изјавило дека било игнорирано од општеството и дека во текот на неговиот социјален живот бил исклучен од комуникација и играта на одморите или екскурзиите и дека тоа го навело преку своите мисли и постапки да го направи масакрот.
На таткото му е одреден притвор до 48 часа поради сомнение дека сторил тешко кривично дело против општата безбедност.
Проф. Д-р Милован Бојиќ, директор на Заводот за кардиоваскуларни болести „Дедиње“, своевремено работел со таткото на момчето кое го направи масакрот.
Тој за медиумите изјави дека бил во шок по масакрот во белградското училиште, кој го извршил син на лекарот кој до пред две години работел со доктор Бојиќ. Тој истакна дека нема негативни зборови за таткото на осомниченото момче и дека е прилично и непријатно изненаден од настанот кој ги потресе сите.
“Не можам да си дојдам на себе, не разбирам што се случи. Можам да кажам се најдобро за таткото на тоа момче. Тој е одличен лекар и човек. А можам да го кажам најдоброто само за мојот колега доктор – извонреден човек и професионалец, имаше одличен однос кон колегите и кон пациентите. До пред две години работеше со нас, никогаш во животот не сум видел неговото дете – раскажува Бојиќ.
Момчето кое пукаше во неговиот клас беше целосно ладнокрвно, како да не се кае. Според истрагата, рацете не му се треселе, бил целосно мирен, без емоции на лицето. Исто така, речиси сите жртви биле погодени со еден истрел, што покажува дека бил неверојатно прецизен.
Ученикот одел во едно од најдобрите училишта во Србија, бил одличен ученик и признал дека злосторството го планирал цел месец. Како што рече претседателот Александар Вучиќ на прес конференцијата, студентите го задевале и тој не секогаш се вклопувал лесно. Имаше широк спектар на интереси и сакаше да стане астрофизичар.
