Општина Македонска Каменица прогласи тридневна жалост по повод смртта на трите млади момчиња кои загинаа во сообраќајна несреќа во Италија.
„11,12 и 13 април ќе бидат денови на жалост во чест на нашите сограѓани кои загинаа во сообраќајна несреќа во Италија. Тие млади и примерни луѓе секогаш ќе останат меѓу нас. Општината ќе излезе во пресрет на семејствата“, велат од Општината Македонска Каменица.
Министерството за надворешни работи информираше дека се работи за З.С. – 33 години од Македонска Каменица, А.К. – 31 година од селото Саса, како и В.И. – 30 години од село Пекљани, Виничко.