Претседателот на Комисијата за деловнички и мандатно-имунитетни прашања, Панчо Минов закажа седница во понеделник со единствена точка на дневен ред: Пријава за повреда на Етичкиот кодекс од страна на пратеникот Талат Џафери, поднесена од пратеници од ВМРО-ДПМНЕ.
Седницата на Комисијата која е одговорна за почитување на Етичкиот кодекс на Собранието ќе започне во 12 часот.
Пратениците од ВМРО-ДПМНЕ заедно со пријавата доставиле и докази, односно видео-записот од Собранискиот канал на кој се слуша спикерот Талат Џафери како пцуе и вика по службениците вработени во Собранието.
