Деновиве Никола Груевски води трка со времето дали на осми ноември ќе се појави во затворот во Шутка на издржување на затворската казна од две години за влијание за набавка на мерцедес за потребите на тогашната Влада. Затворот Шутка во Скопје е известен за терминот кога Груевски треба да се појави, а истовремено неговите адвокати веќе поднеле молба за одложување на издржување на казната.
Судијата за извршување санкции од Кривичниот суд во Скопје има рок до четврток да одговори на молбата на адвокатите за одложување од три месеци на издржувањето на казната со образложение дека има обврски како пратеник и околу неговиот докторат.
Претседателот на Собранието Талат Џафери вчера го доставил известувањето од судот за пресудата на пратеникот Груевски до претседателот на Комисијата за мандатно имунитетни прашања. Рокот од 15 дена за одржување на седница на оваа комисија тече од денеска.
Претседател на собраниската Комисија за мандатно имунитетни прашања е пратеникот Павле Богоевски. Комисијата треба да одлучи дали пратеникот Груевски по ваквата пресуда е „недостоен за вршење на пратеничката функција“ што е еден од условите според собранискиот Деловник за одземање на пратеничкиот мандат.
Доколку му буде одземен пратеничкиот мандат на Груевски, на негово место во Собранието, седнува наредниот на листата пратеници од коалицијата „За Македонија заедно“, кои беа кандидирани во оваа изборна единица.
Груевски се жали и до Врховниот суд и очекува преиспитување на пресудата за случајот „Тенк“.
Поврзани објави
Приведен кумот на Груевски, Ристо Новачевски
Кумот на Никола Груевски, Ристо Новачевки е приведен за истрагата за плацевите на Водно. Утрово по наредба на…
Социјално загрозените нема да плаќаат извршители, наместо третина ќе се задржува петтина од плата или пензија
Собранието ги изгласа најновите измени и дополнувања на Законот за извршување кои ги подготви Министерството за правда. Со…
На Македонска пошта и прети стечај поради загуби во работата
„Секој ден Македонска пошта вршела од 60 до 80 илјади банкарски трансакции. Со одењето во стечај на Еуростандард…
Едниот крак на пожарот кај Ајватовци е изгаснат, но остатокот се движи со силен интезитет
Oд Центарот за управување со кризи(ЦУК), велат дека дел од едниот крак на пожарот кај Ајватовци е изгаснат,…