Откако КУРИР објави за инцидентот кој вечерва се случил во скопско Тафталиџе, информацијата ја потврдија и од МВР. Станува збор за убиство.
-На 20.12.2019 околу 19,40 пријавено е дека во продавница на ул. „Московска“ (непосредно до Зелен Пазар – Тафталиџе), извршено е убиство од страна на сопственикот на продавницата – В.Ш. (55), кој по расправија, со пиштол пукал кон С.Д. (55), негов зет за сестра, кој починал на лице место, а Ф. Д. (25), внук од сестра, е погоден со куршум во десната нога и е пренесен во Ургентен Центар, каде му се укажува лекарска помош, информираат од МВР за КУРИР.
Причините за убиството се нарушени семејни односи и нарушени имотно – правни односи.
Сторителот е приведен.
извор: kurir.mk
