Миле Јанакиески и Спиро Ристовски – обвинети за главни организатори на 27- април!

Обвинителката за организиран криминал Вилма Рускоска, ги изненади судот и одбраната на обвинетите за организирањето на насилството во Собранието на 27 април 2017 година. Наместо да излезе со завршните зборови, Рускоска достави измени во обвинението со кои Миле Јанакиевски и Спиро Ристовски се обвинети за организирање на протести и за спречување на изборот на претседател на Собранието.

Во обвинението по кое се судеше, двајцата беа обвинети како членови на групата што го организираше насилството, додека со последните измени, обвинителството ги сподели нивните конкретни постапки. Двајцата ќе ги гони како главни организатори на протестите.

Одбраната на обвинетите побара одложување на завршните зборови, за да има време да се спротивстави на наводите на обвинителството предложени во обвинението. Според нив, разликите не се мали, туку фундаментални промени што можат да дадат поинаква насока на пресудата. Додека го читаше обвинението, Рускоска истакна неколку клучни моменти кои, според неа, докажуваат дека 27 април бил организиран и структуриран.

„Спиро Ристовски, Владимир Атанасовски и Никола Груевски направиле план со цел кршење на уставниот поредок преку акти на насилство и спречување на предавање на власта. Цело време во соработка со Митко Чавков го намалувале бројот на полицајци. Груевски како претседател на ВМРО-ДПМНЕ, побарал од граѓаните да не остануваат дома и да излезат на улиците за да ја преземат контролата врз нивната иднина. Вељановски имаше задача да спречи избор на нов претседател, Јанакиевски и Ристовски организирале секојдневни протести, додека Атанасовски и Бошковски организирале и мобилизирале групи предводени од Кољо и Нинџа.“

Рускоска ги прочита и СМС-пораките испратени од Јанакиевски и Ристовски кои им наредувале на некои од демонстрантите да ги интензивираат протестите и да се качат горе во салата за прес-конференции каде што парламентарното мнозинство одржуваше прес-конференција, по изборот на Талат Џафери за претседател на Собранието. Во салата беа прочитани пораки со навредлива содржина кон пратениците и раководството на СДСМ.

Рочиштето за завршните зборови ќе продолжи на 6 јули.

Total
0
Shares

USJE
Поврзани објави