Попладнево голем пожар го зафати скопското село Добри Дол, близу Ракотинци, интервенира локалното население и службите на општината Сопиште кои се организираат како да дојдат до непристапниот терен. Теренот го обезбедува и полицијата која издаде предупредување на населението и возачите да се движат внимателно или воопшто да не се упатуваат кон пожарот. Мал пожар се појави и во самото село Ракотинци, кој го изгасија самите жители со црева и кофи со вода и се уште стојат околу местото и го обезбедуваат да не разгори повторно.
Р.Д.
