Франција предлага барањата на Бугарија да се вклучат во преговарачката рамка на Македонија за влез во ЕУ ? – Мицковски бара средба на државниот врв

Додека се чека официјално да биде објавен предлогот на Франција за тргање на бугарското вето, медиумите во Бугарија почнаа со објавување детали од истиот.

Предлогот, кој прво ќе стигне во Софија, според бугарскиот портал Медиапул е Бугарија да го тргне ветото, а ЕУ да гарантира дека Македонија ќе ги исполни бугарските барања.

-Француското ротирачко претседателство е подготвено да ги вклучи барањата на Бугарија во преговарачката рамка за Северна Македонија и ЕУ да стане гарант за нивната имплементација, а се очекува да биде одобрен од другите земји – членки и покрај резервите дека билатералните прашања се пренесуваат во Европа, пишува порталот повикувајќи се на дипломатски извори.

Македонскиот претседател Стево Пендаровски денеска изјави дека Македонија не е запознаена со францускиот предлог и се уште нема информации.

Претседателот на ВМРО-ДПМНЕ, Христијан Мицкоски во вечерашното интервју на телевизија Канал 5 го оцени како шокантен францускиот предлог за тргање на ветото во кој, според досегашните неофицијални информации, се предлага бугарските барања да влезат во преговарачката рамка на ЕУ.

-Врз основа на ова што го читаме, ако е тоа така, тоа е шокантно негативно и лошо. Тоа значи дека или ние ќе се асимиллираме, бугаризираме или никогаш нема да бидеме дел од ЕУ. Ова е нокаут за македонската дипломатија. За мене уште поголем нокаут е лицемерната политика. Да се уценува Македонија- земја кандидат, а притоа да се излезе со позиција дека Украина заслужува кандидатски статус, рече Мицкоски.

Тој побара итна средба со целиот државен врв за заедно да постават траекторија по која Македонија треба да се движи по сите овие предизвици.

Total
1
Shares
Поврзани објави