Грчката полиција трага по двајца државјани на Албанија од кои еден, по вербална расправија пред ноќен клуб во Атина, ладнокрвно застрела три момчиња, јавуваат локалните медиуми. Инцидентот е снимен од безбедносни камери во близина на локалот, а снимките се споделуваат по социјалните мрежи. Според грчките медиуми, едно од момчињата е во критична состојба.
На видеото се гледа како излегуваат од возило, се доближуваат до група на момчиња пред клубот по што, најпрво започнуваат физичка пресметка, а во еден момент вади пиштол и пука.