57-годишниот пациент, кој преживеа два месеца по подложувањето на трансплантација на свинско срце, почина од свински грип, изјави неговиот хирург минатиот месец, пренесува „Блиц.рс“.
Во јануари, Дејвид Бенет, мајстор што страдаше од срцева слабост, беше подложен на многу експериментална операција во Медицинскиот центар при Универзитетот во Мериленд, во која лекарите му го трансплантираа генетски модифицираното свинско срце.
Бенет почина во март. Од болницата, едноставно, соопштија дека неговата состојба се влошила за неколку дена, но не ја наведоа точната причина за смртта.
Минатиот месец хирургот за трансплантација на Бенет, Бартли Грифит, откри дека срцето на свињата било заразено со свински вирус познат како свински цитомегаловирус, кој можеби придонел за смртта на Бенет.
„Почнуваме да откриваме зошто почина“, рече Грифит додавајќи дека вирусот можеби е тој што ја почна целата работа.
Според експертите, трансплантацијата била главниот тест за ксенотрансплантација, процес што вклучува пренос на ткиво помеѓу разни видови вируси.
„Ако ова беше инфекција, веројатно можеме да ја спречиме во иднина“, рече Грифит.
Најголемиот предизвик во трансплантацијата на органи од животно на човек е еластичноста на човечкиот имунолошки систем бидејќи може да ги нападне туѓите клетки во процес наречен отфрлање и да предизвика одговор кој на крајот ќе го уништи трансплантираниот орган или ткиво.
Како резултат на тоа, компаниите имаат биолошки конструирани свињи со отстранување и додавање разни гени за да помогнат во скривање на ткивата од потенцијални имунолошки напади.
Срцето користено во случајот на Бенет доаѓа од свиња што била третирана со 10 генски модификации извршени од Revivikor, биотехнолошка компанија, пренесе „Блиц.рс“.
