Момче од Битола на возраст од 25 години денеска е тешко повредно во месноста викана Широка во Националниот парк Пелистер, откако со својот велосипед возел на стрмна патека. Од тешките повреди нанесени врз главата, торзото и рацете, момчето паднало во безсознание и во таа состојба било извлечено. Неофицијално момчето било дел од нашите битолски бајкери од “extreme bike“ тимот од Битола.
Несреќата се случила денеска по 13 часот кога неговите другари со кои возел велосипед се јавиле за помош во Тимот за спасување на планина, при Дирекцијата за заштита и спасување.
Петар Нолев одговорен на тимот за Апла.мк вели дека на местото на несреќата пристигнале за 30- тина минути, пружиле прва помош и имобилизација на повредениот, кој со џип теренско возило бил пренесен до возило на Брзата помош и до Битолската клиничка болница.
Апла.мк очекува информација од Битолската клиничка болница за здравствената состојба на момчето.
Извор: Apla.mk
