Принцот Хари и Меган Маркл објавија дека добија ќерка, што е нивно второ дете. Лилибет Дијана Маунтбатен Виндзор е родена во петокот во болницата во Санта Барбара.
„И мајката и бебето се добро“, соопшти двојката, додавајќи дека Лилибет е крстена по прекарот на кралицата Елизабета Втора, нејзината прабаба.
Второто име е посвета на мајката на Хари, принцезата Дијана.
Хари и Меган се венчаа во 2018 година, а во мај следната година им се роди синот Арчи.
