Во Битола денеска, во организација на партијата Левица, во 18 часот ќе се одржи протест за поддршка на пејачот Ламбе Алабаковски.
Алабаковски се наоѓа во 8 дневен притвор за пожарот во културниот центар „Иван Михајлов“ во Битола.
Според реакциите на граѓаните, се очекува голема присутност.
„И јас сум Ламбе“ e главното мото на социјалните мрежи каде јавноста изразува силна поддршка за македонскиот пејач. Дел од нив не го оправдуваат делото, но голем дел го поддржуваат како што посочуваат „поривот на Ламбе Алабакоски да го изрази својот револт за состојбата во која се наоѓа македонскиот народ“.
Алабакоски признал дека го извршил делото. Бил со велосипед кој го фрлил и пријавил дека му е украден. Поради двојното државјанство за да не побегне судија одлучи да му одреди притвор.
