Судскиот совет ќе избира судии во Врховен и Управен суд. Исходот на избор според извори на dosie.mk ќе биде Цветанка Периќ која ќе замине во Врховен суд и Елизабета Васовска , која ќе оди во Управен суд.
Изборот на судијките е скоро 100 проценти сигурен. За изборот на судиите знаат и повисоки структури во власта и тоа преку албанскиот блок во Судскиот совет и повисоката власт.
Судијката Периќ беше во совет на Апелациониот суд за случајот Тенк, за кој поранешниот премиер Никола Груевски е осуден на две години затвор и веќе има упатен акт. Во оваа фаза на постапката тој јавно реагираше и бараше изземање токму на судијката Периќ изнесувајчи сознанија дека е под жесток притисок да ја потврди пресудата за тој да оди во затвор. Таа одговори дека немала притисоци и нејзиното изземање не беше прифатено.
Како причина за барањето за изземање, адвокатот Стерјо Зиков ја наведе постапката во Судскиот совет која се води против Периќ.
„Познато е дека против Периќ се води постапка во Судскиот совет за пресуда според нас спротивна на законот. Оваа постапка може да влијае врз одлуката на претседателката на советот и затоа бараме нејзино изземање“, рече Зиков пред да биде одбиен предлогот.
Судијката Периќ е и дел од судиите кои определија притвор за Горан Грујевски кој во моментов е во Грција , а Македонија се обидува да добие негова екстрадиција.
Судијата Периќ е и судијата која одби жалба на СЈО за барање притвор за Сашо Мијалков. Таа и советот во Апелација потврдија дека нема потреба од притвор туку само задржување на пасошот како мерка дека обвинетиот ќе се појавува на судски рочишта.
Вториот кандидат е долгогодишен стручен соработник во Судскиот совет и до сега многу пати конкурирала за избор на судија.
Поврзани објави
Загрозениот сведок за 27 април ќе го слушаат само Американска амбасада и независни набљудувачи
Судскиот процес за крвавиот четврток денеска е затворен за јавност. Се сослушива загрозен сведок поради што судот ја…
Обвинителството ќе ги проверува телефоните на Курто Дудуш и човекот кој во објавената бомба наводно го тепа
Основното јавно обвинителство Скопје денеска доби писмено известување од Секторот за внатрешни работи – Скопје кое се однесува…
Во такси се договарале како да го запалат возилото на Шилегов
Полицијата приведе две лица на возраст од 22 и 24 години, осомничени дека му го запалиле возилото на…
Обвинителство ќе истражува што се случило минатиот викенд во извидничкиот камп
МВР и јавното обвинителството ќе истражуваат што се случило минатиот викенд во извидничкиот камп организиран од Првиот скопски…