Четири лица, меѓу кои и директорката на Националната агенција за европски образовни програми и мобилност Лидија Димова, добија кривична пријава од Финансиската полиција.
Тие се сомничат дека заедно предизвикале вкупна штета од над 400 илјади евра.
Привавите се доставени до Основното јавно обвинителство за гонење на организиран криминал и корупција.
Четворицата се товарат за злоупотреба на службената положба и овластување, измама на штета на средства на европската заедница, соизвршителство и несовесно работење во службата.
Владата побара од Управниот одбор на Националната агенција за европски образовни програми и мобилност да ја разреши директорката Димова, поради неетично постапување во извршувањето на нејзината функција.
