Водителката Лила Филиповска, која му правела друштво на нејзиниот долгогодишен пријател Бојан Јовановски – Боки 13, кога на 15 јули сакаше да ја напушти државата со полна торба пари, утрово дојде да сведочи пред шефицата на ОЈО за организиран криминал Вилма Рускоска.
Бојан Јовановски беше уапсен на 15 јули на граничниот премин Богородица при обид да ја напушти државата, со торба евра. Со него биле Филиповска и вработена во телевизијата на Јовановски 1ТВ.
Во истрагата „Рекет“, која почна со апсењето на Јовановски, досега има тројца осомничени и сите се во притвор. Меѓу нив е и специјалната обвинителка Катица Јанева.
