Скопскиот градоначалник, Петре Шилегов денеска изјави дека начинот на уривање на објектот пред Трговскиот центар Мавровка е многу полегален од начинот на градење.
Шилегов појасни дека документите што вчера инвеститорот заедно со адвокатите ги приложиле се однесуваат за легализација на еден дел од старото кафуле Фонтана.
-Таму е легализиран објект кој што беше долу во сутеренските простории и само тоа било предмет на легализација. Не може да станува збор, да ги поистоветувате легализацијата од општина Чаир во сутерен со оваа грдосија која што таму никна. Едноставно, да не се правиме на Тошо и да тврдиме дека тоа што било предмет на легализација и за што сопственикот платил надоместок, општина Чаир утврдила дека постојат услови, дека е ова што е предмет на рушење. Навистина сметам дека поигрување со здравиот памет со нас како граѓани, а после како луѓе што ги водат институциите“, вели Шилегов.
