Средношколците од утре ќе следат настава преку Интернет преку Националната платформа за учење од далечина откако владата прифатила некои од нивните барања.
Претседателот на Унијата на средношколци, Бленди Ходаи вели дека и дале на владата ултиматум од еден месец да ја спроведе комбинираната настава ако епидемиолошката состојба во октомври е стабилна.
„Направивме компромис почитувајќи ги епидемиолозите, учебната година да започне од далечина. Но, ако епидемиолошката состојба во текот на октомври биде стабилна, тогаш учениците треба постепено да се враќаат на училиште, со комбиниран модел. Ако тоа не се случи, тогаш секој ученик ќе ја бојкотира наставата преку Интернет. Ова воопшто не треба да се сфаќа како компромис, туку повеќе како ултиматум“, рече Бленди Ходаи- Унија на средношколци.
Тој тврди дека бројот на ученици кои немаат технолошка опрема за да присуствуваат на онлајн настава е над 80 илјади.
„Владата има многу пари, тие треба да знаат како ќе ги менаџира, дадоа пари за ваучери за летување. Предложивме да се формира фондација за да можат сите филантропи и бизниси да им помогнат на учениците барем да имаат лаптопи“, додава Ходаи.
Според него, ако Националната платформа за учење од далечина не работи ни утре, ќе побараат некој да сноси одговорност.
