Гледам во последно време модерни се видео колумни и ги поздравувам. Сметам дека во брзината на денешното живеење може да слушам колумна и додека чекам на семафор иако шмекот на читањето весник е незаменлив. Но мојава колумна ќе биде видео со таа разлика што ќе постирам видео и во неколку реченици ќе објаснам што ми е на ум.
Видеото е од маж кој рано понеделнички врти кругови околу зграда која е блиску до училиште и детска градинка. Има посебно богаство, а тоа се контејнерите кои ревносно ги претура. Но добивката од кантите наместо да си ја носи дома влегува во приватен имот кој навидум е напуште и во грмушките се обидува да го скрие пленот. Јас со кучето надвор и му велам дека е приватен имот и да излези сосе губрето. ЕЕЕЕЕЕЕ тогаш!!!! Одмана не сум чула колку бил богат македонскиот јазик со пцости , реденки, колнења, варијација на тема полови органи.
Не само што не замина туку и замалку ќе ме тепаше ама се пишмани поради кучето. Секако како секој храбар маж побегна и застана на автобуска. Таму сеансата му траеше неколку минути , дојде група убави девојчиња и се пикна во автобус по нив.
Приказната е вистинска , приказната е секојдневие, приказната е од оние како на пијаниците околу Зелен Пазар , приказната е како на секој семафор кои малтретираат и рипаат на шифершајби тропаат по стакла додека држат бебе а мајката надувана од лепак, приказната е дека анархијата во секојдневието е веќе секојдневие и на секаде во градот. Ниту сопствен имот може да се заштити, ниту екологија, ниту безбедност на деца. Секоја населба е слободна за движење на секакви и никакви , кои си даваат за право дека се што е јавно е и нивно, па мочај , фрлај, крши !. Дали Скопје треба да се подели , дали Скопје треба да има заклучени квартови како Беверли Хилс или квартови како Бруклин?
Но кога вредноста на човекот падна на ниво на тоа кој е поголем кодош, кој поголем измамник, кој повеќе леб ќе му украде на добронамерникот, јас па се фатив за простаков кој е инаку болен (компулсивен собирач на ѓубре)!
Имајте убава седмица рекоа ќе врни од среда …
